ЖМБ –ның математика, информатика, физика,биология, география пәндері апталығы өтті
Математика, информатика,география,химия,биология және физика апталығының ашылуы: стенд рәсімдеу мен мектеп кітапханасында математика апталығына арналған кітап көрмесі ұйымдастырылуынан басталды. Апталықтың ашылуына байланысты интеллектуалдық ойын: «Логика бар ма?» 10 «Б» - 11 сыныптар арасында Қабылқақ А өткізді. Ойын бес кезеңнен және әр кезең бес сұрақтан тұрды. Жарысты екі топ, бір- біріне достық танытып бастады. Оқушылар өз білімдерін көрсетті, ең бастысы математикаға қызығушылықтары артты.
Екінші күні 27 ақпанда информатика пәнінен 6 « А» сыныбында пән мұғалімі Е. Құрманғалиев «Арифметикалық өрнектердің жазылу ерекшеліктері» тақырыбында ашық сабақ өткізілді. Оған мұғалімдер қатысын, өз талдауларын жасады. Сабақ өз деңгейінде өткізілді. Математика пән мұғалімі Жаныспаева Б 27.02 күні 5 сынып оқушыларымен «Ондық бөлшектерге амалдар қолдану» тақырыбында ашық сабағымен жалғастырды. Оқушылар үш топқа бөлінді. Тапсырмалар әртүрлі болды: әр қатарда қосындысы бірдей болатындай, сандарын жазу, саның табу, кестені толтыру. Әр түсті сірінкеден есеп жазып, қатесін табу. Балаларға сабақ ұнады. Физика пәні бойынша да сыныптан тыс іс-шара өткізілді. Пән мұғалімі Нағыманова Ш «Физикалық КВН» 7 «А», «Б» сыныптар арасында ұйымдастырылып, өз дәрежесінде өткізілді.
Үшінші күні Қабылқақ А математикадан «Қысқаша көбейту формалары» тақырыбында 7 «А» сыныбында, биологиядан 9 «А» сыныбына Қалимұратұлы Ә «Адам қан топтарының тұқым қуалау заңдылықтары және резус-факторы» тақырыбында сабақ өткізді. Жаңа технологияларды шебер қолданып, оқушыларды қызықтыра білді. 28 ақпанда математика және география пәндерінен
сыныптан тыс іс-шара: «Математикалық жекпе-жек» 8 «А», «Б», 9 «А», «Б»сыныптарында «Не?, Қайда?, Қашан?» тақырыбында география пәнінен сайыс сабағы өткізілді. Ойын бес кезеңнен құрастырылды, оқушылар тез және қызығушылықпен тапсырмаларды орындады: жұмбақ шешті, мақалдарды жалғастырды, кестені санмен толтырды.
Оқушылар бұл тақырыпты ұнатып, қызықты эссе жазып келді. Өз оқиғаларын үйкелес күшсіз елестетіп жазды.
Төртінші күні Құрманғалиев Е оқушыларға « Робототехникаға оқушылардың қызығушылығын арттыру» тақырыбында көрме ұйымдастырып, «Қызықты информатика» квест - ойынын өткізді . Ойынның алдында оқушылар, тоғыз адамнан, екі топқа бөлінді. Ойынның мақсаты: Оқушылардың логикалық ойлауын, ұжымдық, шығармашылық белсенділікті қалыптастыру, командада жұмыс істей білу, балалардың есте сақтау қабілеттерін, ерекше жағдайларда іске асыру жылдамдығын дамыту. Тәрбие міндеті: әртүрлі тапсырмалардың көмегімен балаларды оқу- танымдық, белсенділікті дамытуға ынталандыру және информатика мен басқа пәндер арасында пәнаралық байланыс орнату.
Осы күні география пәнінің мұғалімі З.Умиржанова 7 «Б» сыныбында «Дүниежүзінің тарихи-мәдени аймақтары», физика пәні бойынша да «Механикалық жұмыс. Қуат» тақырыбында ашықтар сабақ өткізді. Оқушылар сабаққа белсенді қатысты. Балалар тапсырмаларды орындай алды. Пән мұғалімдері әртүрлі әдіс-тәсілдерді қолдана отырып, сабақтарын қызықты өткізді.
01 наурыз күні математика пәнінің мұғалімі А. Қабылқақ 6 «А»,«Б» сыныптарында «Бәрін білгім келеді» сыныптан тыс іс-шара өткізді. Ойынға іріктеу кезеңінде іріктеліп алынған сегіз ойыншы қатысты. Ойынның мақсаты: оқушылардың білімін, тапқырлығын тексеру. Тәрбиелік міндеттері: оқушылардың шығармашылық қабілеттерін, физикаға қызығушылығын дамыту, басқа ойыншыларға құрметпен қарауға үйрету, таңдауы бойынша дұрыс пікір айту.
Осы күні апталықтыңтың қорытындысы шығарылды. Марапаттау өтті.